[restrict paid=”true”]
کابل (پژواک، ۱۵ غبرګولی ۱۴۰۲): د ریاست الوزرا اقتصادي مرستیال ملا عبدالغني برادر اخوند او د مخابراتو او معلوماتي ټکنالوژۍ وزارت سرپرست مولوي نجیب الله حقاني په شتون کې د مخابراتو او معلوماتي ټکنالوژۍ وزارت او خصوصي مخابراتي شرکتونو ترمنځ د ۳۶۵میلیونه افغانیو په ارزښت په لرې پرتو سیمو کې د مخابراتي خدمتونو رسولو تړونونه لاسلیک شول.
د ریاست الوزرا اقتصادي مرستیال د یادو تړونونو د لاسلیک کېدو پر مهال وویل ، اسلامي امارت د ملت خدمت د ځان مسؤلیت ګڼي او په ټول توان هڅه کوي، چې هېوادوالو ته د ژوند د نورو برخو ترڅنګ په ښه او لوړ کیفیت مخابراتي خدمتونه هم وړاندې کړي.
نوموړي زیاته کړه، اسلامي امارت په افغانستان کې د پانګونې لپاره ښه زمینه برابره کړې او د ټولو هغو ملي سوداګرو او پانګوالو له هڅو قدرداني کوي، چې د هېواد د اقتصادي ودې په موخه پانګونه کوي.
د دغو تړونونو له مخې به افغان بیسیم او ام ټيان مخابراتي شرکتونه د کندهار، نورستان، بدخشان، ارزګان، زابل، کنړ، ننګرهار او کابل ولایتونو کې د ۳۳ سایټونو د جوړېدو له لارې په هغو لرې پرتو سیمو کې، چې خلک مخابراتي خدمتونو ته لاسرسی نه لري؛ مخابراتي خدمتونه وړاندې کړي.
[/restrict]
Views: 70
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن