جوزجان کې نامعلومو وسله‌والو یو ځوان وژلی

شبرغان (پژواک، ۲۳ غبرګولی ۱۴۰۲): د جوزجان امنیه قومانداني د دغه ولایت په مرکز شبرغان ښار کې د نامعلومو وسله‌والو له خوا د یوه ۲۳ کلن ځوان د وژلو خبر ورکوي.

د یاد ولایت د امنیې قوماندانۍ ویاند قاري عبدالستار حلیمي پژواک خبري اژانس ته وویل، تېره شپه د شبرغان ښار اړوند په شوبي افغانیه کلې کې ۲۳ جنت‌ګل د نامعلومو وسله‌والو له خوا په ډزو وژل شوی دی.

د هغه په خبره، لومړنۍ څېړنې ښیي چې جنت‌ګل د شخصي دُښمنۍ له امله وژل شوی او قاتلین له سیمې تښتېدلي دي.

سرچینې زیاته کړه، پولیس هڅه کوي چې قاتلین ونیسي او عدلي او قضايي ارګانونو ته یې وسپاري.