کابل (پژواک، ۲۹ غبرګولی ۱۴۰۲): د کانونو او پټرولیم وزارت وایي، د هېواد په پنځو ولایتونو کې د سمنټو د تولید پنځه لویې فابریکې جوړیږي چې ورسره به افغانستان د سمنټو له پلوه پر خپل ځان بسیا شي.
د باختر دولتي اژانس د راپور له مخې، د یاد وزارت سرپرست شیخ شهابالدین دلاور دغه څرګندونې په کندهار کې یوې غونډې ته کړې دي.
هغه ویلي چې دغه فابریکې په هرات، کندهار، لوګر، جوزجان او پروان ولایتونو کې جوړېږي.
دلاور زیاته کړې، د یادو فابریکو په جوړېدو سره به افغانستان د سمنټو له اړه پر ځان بسیا شي او د هغو سلګونه میلیون ډالرو مخه به ونیول شي چې د سمنټو واردولو لپاره له هېواده وځي.
د یادونې ده، اوسمهال په هېواد کې د غوري او جبلالسراج سمنټو کارخونې فعالې دي چې تر یوه بریده یې د سمنټو اړتیا په هېواد کې دننه پوره کړې ده.
Views: 1128
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن