کونړ او نورستان کې د سېلابونو له امله دوه کسان مړه او درې نور ټپیان شوي

اسعداباد (پژواک، ۱۴ چنګاښ ۱۴۰۲): کونړ کې مسوولین وايي، تېره شپه په دغه ولایت او نورستان کې سېلابونه راوتلي چې له امله یې دوه کسان مړه او درې نور ټپيان شوي دي.

هغوی زیاتوي، سېلابونو خلکو ته مالي زیانونه هم اړولي چې تر اوسه يې دقیق ارقام نه دي معلوم.

د کونړ طبيعي پېښو ته د رسېدنې ریاست د زیانونو ارزونې مدیر احسان‌الله احسان پژواک خبري اژانس ته وویل، تېره شپه د کونړ او نورستان ولایتونو په ځينو سیمو کې باران شوی او سېلابونه راوتلي چې خلکو ته يې ځاني او مالي زیانونه اړولي دي.

دی وايي: «د نورستان په وانټ وایګل ولسوالۍ کې سېلاب د سپرلیو یو موټر وړی چې له امله یې دوه کسه مړه او درې نور ټپيان شوي دي.»

login or register a new account.