[restrict paid=”true”]
لښکرګاه (پژواک، ۲۰ چنګاښ ۱۴۰۲): د هلمند ځایي مسوولین وایي، د دغه ولایت په مرکز لښکرګاه ښار کې د غلو د دوو ډلو ۱۳ کسان یې نیولي دي.
د هلمند د اطلاعاتو او فرهنګ ریاست مرستیال مولوي محمدقاسم ریاض پژواک خبري اژانس ته وویل، دا کسان د مرکز لښکرګاه ښار د دویمې، نهمې او اوومې امنیتي حوزو مربوطاتو کې نیول شوي دي.
نوموړی وایي، یاد ۱۳ غله په لښکرګاه ښار کې له هېوادوالو د وسلو پر زور موټر، موټرسایکل، ټيلېفونونه او نور توکي غلا کول.
ریاض زیاتوي، یاد شمېر غله د هلمند له جنایي جرمونو سره د مبارزې ځواکونو یو لړ ځانګړو عملیاتو په پایله کې له څلور میله تومانچو، څلور موټرسایکل او یو شمېر نورو توکو سره نیول شوي دي.
[/restrict]
Views: 30
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن