فیضاباد (پژواک، ۳۰ چنګاښ ۱۴۰۲): د بدخشان د مرکز فیضاباد ښار دوه اوسېدونکي چې د ښوونځي زدهکوونکي هم وو، په کوکچې سیند کې د لامبو پر مهال ډوب او مړه شوي دي.
د بدخشان امنیې قوماندانۍ ویاند احسانالله کامګار پژواک خبري اژانس ته وویل چې تېر ماښام د فیضاباد ښار پنځمې ناحیې درې اوسېدونکي د لامبو پر مهال د کوکچې سیند اوبو کې ډوب شوي دي.
هغه وویل چې یو کس د ځايي خلکو او امنیتي منسوبینو له لوري ژغورل شوی او دوه نور مړه شوي دي.
د هغه په خبره، له یادو دوو کسان د یوه مړی موندل شوی او د بل کس د جسد پیدا کولو هڅې روانې دي.
د یادونې ده، تېره اونۍ په لغمان ولایت کې هم د لامبو پر مهال درې کسان په سیند کې ډوب او مړه شوي وو.
Views: 31
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن