کابل (پژواک، ۴ زمری ۱۴۰۲): د برېښنا او اوبو وزارت په راتلونکو دوو ورځو کې د سختو بارانونو، سېلابونو او د سیندونو اوبو کچې لوړېدو اټکل کړی او د سیندونو غاړو له اوسېدونکو یې غوښتي چې خوندي سیمو ته ولاړ شي.
دغه وزارت نن (چهارشنبه) په ټویټ کې ویلي، د زمري میاشتې په ۵ او ۶مه نېټه د هېواد په ځينو حوزوې سیندیزو سیمو کې د سختو بارانونو، سېلابونو او سیندونو کې د اوبو ډېرېدو احتمال شته دی.
سرچینې لیکلي: «د کابل او هلمند په سیندیزو حوزو کې د سختو بارانونو او سېلابونو احتمال شته دی، د کونړ، لغمان، لوګر، میدانوردګو، خوست، پکتیا، غزني، زابل، د ارزګان ترینکوټ ولسوالۍ او د کندهار ارغنداب ولسوالیو د سیندونو په مسیرونو کې د بارانونو، واورو ویلي کېدو له امله د سېلابونو راوتلو اټکل کېږي.»
د برېښنا او اوبو وزارت د یادو سیمو له اوسېدونکو غوښتي څو د سېلابونو یا د اوبو ډېرېدو پر مهال د سیندونو غاړو ته له نږدې کېدو ډډه وکړي او دغه راز د ټيټو سیمو خلکو ته دې خبر ورکړی څو د انساني تلفاتو مخه ونیول شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن