سرپل (پژواک، ۵ زمری ۱۴۰۲): سرپل کې امنیتي مسوولین وایي چې تېره شپه یو کس د دغه ولایت په سانچارک ولسوالۍ کې د نامعلومو کسانو له لوري وژل شوی دی.
د سرپل سانچارک ولسوالۍ د امنیې قوماندانې د پېښو څېړنې امر عزیزالله توحیدیار پژواک خبري اژانس ته وویل: «تېره شپه د خیرالله په نوم یو کس چې د سانچارک ولسوالۍ د تکراز ښار اوسېدونکی و، د نامعلومو کسانو له لوري په ډزو وژل شوی دی.»
هغه په دې اړه ډېر جزییات ورنکړل، خو ويې ویل چې مقتول ۱۹ کلن او یو عام وګړی و، د قتل انګیزه یې لا نه ده روښانه شوې او د پولیسو له خوا په دې برخه کې څېړنې روانې دي.
Views: 36
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن