محمودراقي (پژواک، ۸ زمری ۱۴۰۲): د کاپیسا ولایت امنیه قوماندانۍ وايي، په دغه ولایت کې د امنیتي ځواکونو موټر یو شپږ کلن ماشوم وهلی او مړ شوی دی.
د کاپیسا امنیې قوماندانۍ د مطبوعاتو او عامه اړیکو امریت لیکلي: «نن له غرمې مخکې شاوخوا ۱۱:۴۰ بجې د کاپیسا د نظامي کنډک اړوند هایلکس موټر چې د لوجیسټیک امر او د اروزګان اصلي اوسېدونکي نقیبالله چلاوه، یو شپږ کلن ماشوم یې پر سړک د تېرېدو پر مهال وهلی او مړ شوی دی.»
په خبرپاڼه کې راغلي چې دا پېښه د کاپیسا ولایت کوهستان د لومړۍ «حصه اول» ولسوالۍ په غفارخېل کلي کې شوې ده.
سرچینه د پېښې رامنځته کېدو لامل د چلوونکي بېغوري بولي او وايي چې موټر چلوونکی نیول شوی دی.
Views: 145
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن