د هېواد شپږو ولایتونو کې د سختو اورښتونو او سېلابونو راوتلو اټکل شوی

کابل (پژواک، ۱۶ زمری ۱۴۰۲): د هوا پېژندنې اداره د هېواد په شپږو ولایتونو کې د چټک بادونو، تالندې او تندر سره د سختو اورښتونو او ناڅاپي سېلابونو راوتلو خبر ورکوي.

د یادې ادارې په اعلامیه کې چې نن (د زمري ۱۶مه) خپره شوې راغلي، په بدخشان، تخار، نورستان، کونړ، پنجشېر او بغلان ولایتونو کې د تالندې، چټک بادونو، ناڅاپي سېلابونو او د سختو اورښتونو احتمال شتون لري.

د هوا پېژندنې ادارې د معلوماتو له مخې، په بېلابېلو سیمو کې د اورښت اندازه له ۱۰ تر ۳۰ ملي مترو پورې اټکل شوې ده.