کابل (پژواک، ۱۳ وږی ۱۴۰۲): د ازموینو ملي ادارې نن د ۱۴۰۲ کال د کانکور ازموینې عمومي پایلې اعلان کړې چې ټولو څه باندي ۸۲ زره کسانو لوړو او نیمه لوړو زدهکړو موسسو ته لار پیدا کړې ده.
د کانکور ازموینې پایلې نن د ازموینو ملي ادارې له خوا په کابل د حکومت د اطلاعاتو او رسنیو مرکز کې د رسنیو په حضور کې اعلان شوې.
سږ کال په کانکور کې ټولو څه باندي ۸۸ زره کسانو ګډون کړی و.
د ازموینو ملي ادارې سرپرست شیخ عبدالباقي حقاني وویل چې د ۱۴۰۲ کال کانکور ازموینه کې د فراه ولایت اوسېدونکي محمود د عبدالجمیل زوی تر ټولو لوړې ۳۵۹،۱۶۱۱ نومرې اخیستې دي او د کابل طبي پوهنتون معالجوي عمومي څانګې ته بریالی شوی دی.
هغه دغه راز زیاته کړه چې له کابل څخه عباس د محمدغني زوی د ۳۵۷،۴۷۵۹ نومرو او عبدالباعث د محمدنذیر زوی د ۳۵۵،۷۹۰۷ نومرو په اخیستو سره په دویم او درېیم مقامونو کې راغلي او دوی هم د کابل طبي پوهنتون معالجوي عمومي څانګې ته بریالي شوي.
د ازموینو ملي ادارې معلوماتو له مخې، سږ کال د کانکور ازموینه د تېرې چنګاښ میاشتې په ۲۹مه پیل او په پنځو پړاوونو کې واخیستل شوه.
د یادونې ده، تېر کال کانکور ازموینه کې د سلیمان په نوم یو هلک له هراته لومړی مقام خپل کړی و.
Views: 116
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن