د سمنګان ځیني اوسېدونکي په ایبک ښار کې د غږیزې ککړتیا له ډېرېدو شکایت لري

ایبک (پژواک، ۲۱ وږی ۱۴۰۲): د سمنګان ځیني اوسېدونکي د یاد ولایت په مرکز کې د غږیزې ککړتیا له ډېرېدو شکایت لري او له حکومتي مسوولو بنسټونو غواړي چې د غږیزې ککړتیا مخنیوي لپاره ځیني پروګرامونه جوړ کړي.

د سمنګان ولایت د ایبک ښار یوه اوسېدونکي امیرخان صمدي پژواک خبري اژانس ته وویل، په وروستیو کې د دغه ولایت په مرکز کې غږیزه ککړتیا ډېره شوې او خلکو ته یې روحي او رواني زیانونه اړولي دي.

نوموړي زیاته کړه: «د زړو او خرابو زرنجونو ډېرېدل، هونډا موټرسایکلونه او ورته مهال د لاسي پلورونکو لاوډسپیکرونه چې د چاپېریال اصول نه مراعتوي، په ښار کې د غږېزې ککړتیا د ډېرېدو لاملونه دي.»

د سمنګان بل اوسېدونکي مزمل هم په دې اړه پژواک ته وویل: «کله چې موږ د ایبک ښار له بېلابېلو برخو تېریږو او څو سلنډه موټرسایکلونه چې له موږ څخه په نږدې واټن کې تېریږي، زړه بوږنوونکی غږ یې موږ ته سر درد پیدا کوي او دې غږیزې ککړتیا خلکو ته رواني ستونزې پیدا کړې دي.»

login or register a new account.