کابل (پژواک، ۳۰ وږی ۱۴۰۲): د افغانستان په چارو کې د امریکا ځانګړي استازي توماس وېسټ د ملګرو ملتونو د بشري مرستو د همغږۍ ادارې له رییس سره په لیدنه کې ویلي چې دغه هېواد د افغانانو د حیاتي اړتیاوو پوره کولو لپاره تر ټولو لوی مرسته کوونکی هېواد دی.
توماس وېسټ نن پنجشنبه پر خپله اېکسپاڼه لیکلي: «خوښ یم چې تېره ورځ مې په افغانستان کې د بشري وضعیت په اړه د ملګرو ملتونو د بشري مرستو د همغږۍ ادارې له رییس مارټین ګریفیتس سره وکتل.»
هغه په یاد ټویټ کې زیاته کړې، متحده ایالات د افغانانو حیاتي اړتیاوو پوره کولو لپاره د بشري مرستو تر ټولو ستر مرسته کوونکی هېواد دی.
هغه له نړۍوالو اصولو سره سم د مرستو په رسولو کې، له پلې کوونکو شریکانو مننه وکړه.
د یادونې ده، د خوړو نړۍوال پروګرام له دې مخکې ویلي وو چې یاد سازمان په افغانستان کې د راتلونکې میلادي میاشتې د تېرولو لپاره کافي بودجه نه لري او خبرداری یې ورکړی و چې که بودجه يې تامین نه شي، اړ دي له افغانستانه ووځي.
Views: 36
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن