نیلي- پلخمري (پژواک، ۱۳ تله ۱۴۰۲): دایکنډي او بغلان کې امنیتي مسوولین وايي چې دغو ولایتونو کې د نشهیي توکو د تولید دوه کارخونې کشف او له منځه وړل شوې دي.
د دایکنډي د امنیې قوماندانۍ ویاند غلامعلي جاوید پژواک خبري اژانس ته وویل چې امنیتي ځواکونو تېره ورځ د یاد ولایت د پاتوی ولسوالی په «کره خور» سیمه کې د نشهیي توکو د تولید او پروسس یوه کارخونه کشف کړې ده.
د هغه په وینا، له دې کارخونې څخه له یوه ټنه ډېر اومان کشف شوي او سوځول شوي دي.
هغه زیاته کړې چې د دې قضیې په تړاو پنځه کسان نیول شوي دي.
نوموړي څرکنده کړې چې د دایکنډي امنیتي ځواکونو له دې کارخونې یوه اندازه تېل او ډیزلي ژرنده ترلاسه کړې ده.
ورته مهال، د بغلان امنیه قوماندانۍ هم وایي چې امنیتي ځواکونو د یاد ولایت په دوشي ولسوالۍ کې څلور کسان د نشهیي توکو د تولید په تور نیولي دي.
د بغلان د امنیې قوماندانۍ ویاند مولوي شېراحمد برهاني پژواک خبري اژانس ته وویل چې یاد کسان د دوشي ولسوالۍ په کیان دره کې له عملیاتو وروسته نیول شوي او د نشهیي توکو کارخونه یې له منځه وړل شوې ده.
سرچینې زیاته کړې، په دې کارخونه کې شیشه تولیدېده.
Views: 13
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن