لغمان کې د ۵.۴ میلیون افغانیو په ارزښت د یوه جامع جومات جوړولو چارې پیل شوې

مهترلام (پژواک، ۱۴ تله ۱۴۰۲) : د لغمان د حج او اوقافو ریاست مسوولین وایی چې د دغه ولایت د الینګار ولسوالۍ اړوند «نلیار» سیمه کې د ځايي اوسېدونکو په شخصي لګښت د یوه جامع جومات د جوړولو چارې پیل شوې.

د حج او اوقافو ریاست د رسنیو مسوول حاجي شمس‌الرحمن ساپی د تلې په ۱۴ مه پژواک خبري اژانس ته وویل، نن د الینګار ولسوالۍ اړوند نلیار سیمه کې د یوه جامع جومات د جوړولو چارې پیل شوې.

ده وویل، پر دغه جومات ۵.۴ میلیون افغانۍ لګښت راځي چې د خلکو له خوا ورکول کېږي.

نوموړي زیاته کړه، یاد جامع جومات ۲۲ متره اوږدوالی، ۱۸ متره سور، یو سالون او دوه تدریسي خونې لري، چې په یوه وخت کې به ۳۵۰ لمونځ کوونکي پکې ځایېدلای شي.

login or register a new account.