ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د نورستان مرکز پارون کې د یوه ښوونځي ودانۍ سوځېدلې ده

د نورستان مرکز پارون کې د یوه ښوونځي ودانۍ سوځېدلې ده

author avatar
21 Oct 2023 - 16:49
د نورستان مرکز پارون کې د یوه ښوونځي ودانۍ سوځېدلې ده
author avatar
21 Oct 2023 - 16:49

پارون (پژواک، ۲۹ تله ۱۴۰۲): نورستان کې سیمه‌ییز مسوولین وایي چې د دغه ولایت په مرکز پارون کې د شهيد ميرعالم ناصح په نوم د هلکانو یوه ښوونځي ودانۍ د برېښنا شارټۍ له امله سوځېدلې ده.

د يادې لېسې امر محمدعیىسى ترابي وايي چې په دې پېښه کې د ښوونخي ودانۍ ته سخت زيان رسېدلی او تر لسو تدريسي او اداري خونې يې په قسمي ډول سوځېدلې دي.

د هغه په وينا، په دې اورلګېدنه کې ځيني اداري اسناد هم سوځېدلي او له منځه تللي دي.

د يادې ښوونځي یو ښوونکى ابراهيم وايي،  اور د برېښنا شارټۍ له امله لګېدلى و چې په پايله کې يې د ښوونکو او زده‌کوونکو ځيني اسناد هم سوځېدلي دي.

د هغه په خبره، د اطفايې نشتوالي له امله اور پر خپل وخت مهار نه شو او ډېر زيان يې پېښ کړ .

د نورستان د اطلاعات او فرهنګ رياست د اطلاعاتو امر فضل حق‌خالقيار هم ياده پېښه تایيدوي.

هغه پژواک ته وویل یاده اورلګېدنه د جمعې ورځې سهار د برېښنا شارټۍ له امله رامنځته شوې وه.

 د نورستان پوهنې رياست د رسنيو مسوول حکمت‌الله تاند هم وایي چې د دوى د معلوماتو پر اساس په دې اورلګيدنه کې يادې ادارې ته نږدې درې ميلیون افغانۍ زيان رسېدلى دى.

د شهيد ميرعالم خان لېسه د نورستان په مرکز پشکي کلي کې موقعيت لري.

 

Views: 149

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.