میدانښار (پژواک، ۹ لړم ۱۴۰۲): د میدانوردګو په جغتو ولسوالۍ کې د یوه سوداګر له لوري د ۵۵ زره امریکايي ډالرو په لګښت یوه ښوونځي ته ودانۍ جوړه او ګټې اخیستنې ته وسپارل شوه.
د میدانوردګو پوهنې رییس مولوي محمدعثمان حریت نن د یادې ودانۍ پرانیستغونډه کې پژواک خبري اژانس ته وویل چې د جغتو ولسوالۍ د بیدمشک لومړني ښوونځي ودانۍ پر یو جريب ځمکه په پاخه او اساسي ډول د یوه ملي سوداګر له خوا د ۵۵ زره امریکايي ډالرو په لګښت جوړه شوه.
هغه زیاته کړه چې دغه ښوونځی لس درسي خونې او نورې اړینې اسانتیاوې لري.
د یادې ولسوالۍ یوه اوسېدونکي سیدمحمد وویل، مخکې دغه ښوونځي معیاري ودانۍ نه درلوده او زدهکوونکي یې د هوا په ګرمېدو یا سړېدو له ستونزو سره مخ وو.
هغه غوښتنه وکړه چې د پوهنې مسوولین د دغه ښوونځي نورو اړتیاوو پوره کولو کې همکاري وکړي.
د جغتو ولسوالۍ یو بل اوسېدونکي کمالشاه هم غوښتنه وکړه چې پوهنې ریاست دې د دوی ښوونځي ته درسي مواد او څوکۍ ورکړي.
Views: 481
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن