کابل (پژواک، ۱۲ لړم ۱۴۰۲): د پاکستان د لوړو زدهکړو کمېسیون وایي، د علامه محمداقبال تحصلي بورسونو په درېیم پړاو کې افغان محصلینو ته د درېیو کلونو په موده کې ۴۵۰۰ سکالرشیپونه ورکوي.
د «پاکستان ټو ډې» ورځپاڼې د راپور له مخې، دغه څرګندونې د پاکستان د فدرالي زدهکړو او مسلکي روزنې سرپرست وزیر مددعلي سندي پرون د علامه اقبال تحصیلي بورسونو پروګرام دویم پړاو کې د ۲۸۱ افغان محصلینو د فراغت مراسمو کې کړې دي.
سرچینه زیاتوي چې د افغانانو لپاره د علامه محمداقبال د تحصلي بورسونو پروګرام درېیم پړاو پیل شوی او په کې به افغان محصلینو ته د درېیو کلونو په موده کې ۴۵۰۰ سکالرشیپونه ورکړل شي او له دې لارې به د پاکستان په پوهنتونونو کې زدهکړې وکړي.
سرچینه زیاتوي، د سکالرشیپ پروژې په لومړیو دوو پړاوونو کې تر اوسه څه باندې ۶۰۰۰ افغان محصلینو ته بورسونه ورکړل شوي دي.
Views: 83
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن