کابل (پژواک، ۲۳ لړم ۱۴۰۲): د المپیک ملي کمېټه وایي چې د سنوکر دوه افغان لوبغاړي صالحمحمد محمدي او رییس خانزی د سنوکر نړۍوال فدراسیون کلنیو سیالیو کې د ګډون په موخه قطر ته ولاړل.
د المپیک ملي کمېټې نن پر خپله اېکسپاڼه لیکلي، دوه افغان ورزشکاران د سنوکر نړۍوالو سیالیو کې د ګډون په موخه قطر ته روان شول.
د المپیک ملي کمېټه زیاتوي، په دغو سیالیو کې د افغانستان په استازیتوب د ماسټرانو برخه کې دوو ورزشکارانو صالحمحمد محمدي او رییس خانزی سربېره د سنوکر فدراسیون فني او مسلکي مرستیال وحیدالله اصغري هم ګډون کوي.
سرچینې زیاته کړې، دغه سیالۍ د نوامبر په ۱۵مه په قطر کې پیلېږي او د همدې میاشتې تر ۲۴مې پورې به دوام ولري.
GET IN TOUCH
NEWSLETTER
SUGGEST A STORY
PAJHWOK MOBILE APP