ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

جوزجان کې ۲۳ بېوزلو کورنیو ته کورونه جوړ شول

جوزجان کې ۲۳ بېوزلو کورنیو ته کورونه جوړ شول

author avatar
15 Dec 2023 - 16:18
جوزجان کې ۲۳ بېوزلو کورنیو ته کورونه جوړ شول
author avatar
15 Dec 2023 - 16:18

کابل (پژواک، ۲۴ لېندۍ ۱۴۰۲): د کډوالو او راستنېدونکو چارو وزارت په جوزجان کې ۲۳ هغو کورنیو ته چې په خېمو کې اوسېدل، د کورونو له جوړېدو او راستانه شوو کډوالو ته د لومړنیو خوراکي توکو له وېشلو خبر ورکوي.

یاد وزارت نن (د لېندۍ ۲۴مه) پر خپله اېکس‌پاڼه لیکلي: «په جوزجان ولایت کې بېوزلو ته جوړ شوي ۲۳ کورونه ګټې اخيستنې ته وسپارل شول.»

سرچینه زیاتوي، یاد کورونه هغو کورنیو ته ووېشل شول چې په خېمو کې یې ژوند کاوه.

د سرچیني معلوماتو له مخې، یاد کورونه چې هر یو د ۸۰  زره افغانیو په لګښت د ترکیې هېواد د یوه سوداګر په مالي ملاتړ جوړ شوي، دوه خونې او یو دلېز لري.

سرچینې د جوزجان مرستیال والي ګل‌محمد سلیم له قوله لیکلي چې د یادو کورنیو د هوساینې په موخه د دغو کورونو جوړول د ستایلو وړ دي.

دغه راز د کډوالو چارو وزارت ویلي چې په یاد ولایت کې له پاکستانه په زور راستنې شوې ۱۵ کورنیو ته د خوراکي توکو مرستې ووېشل شوې.

Views: 20

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.