د کندوز حوزوي روغتون کې د ۱،۳ میلیون ډالرو په لګښت لابراتوار فعالېږي

[restrict paid="true"]

کندوز ښار (پژواک، ۲۹ لېندۍ ۱۴۰۲): د کندوز په حوزوي روغتون کې د شمال‌ختیځ زون په کچه د ۱.۳ میلیون ډالرو په لګښت مجهز لابراتوار جوړېږي.

د دغه ولایت د عامې روغتيا رییس ډاکټر محمدالله په دې اړه جوړ شوو مراسمو کې وویل چې د دغه لابراتوار فعالولو چارې نن په حوزوي روغتون کې پیل شوې چې د شمال‌ختیځ زون په کچه به د خلکو ستونزې له دې برخې هوارې شي.

هغه زیاته کړه، دغه لابراتوار د ملګرو ملتونو د پرمختیایي ادارې  (یواېن‌ډي‌پي) په ۱،۳ میلیون ډالرو مالي لګښت جوړیږي او په درېیو میاشتو کې به ګټې اخیستنې ته وسپارل شي.

د عامې روغتيا رییس دغه لابراتوار د کندوز حوزوي روغتون لپاره ډېر اړین یاد کړ او له اړوند موسسو یې غوښتنه وکړه چې د روغتیا برخه کې دې له دوی سره همکاري وکړي.

ورته مهال د ولايت مقام د دفتر رييس مولوي عبدالغفور شهیدزوی د یاد دفتر له دغه اقدامه د مننې ترڅنګ له نورو روغتیايي همکارو موسسو غوښتنه وکړه چې اوسمهال په هېواد کې تر بل هر وخت د خدمت لپاره ښه زمینه برابره شوې، نو اړتیا ده چې په دغه ولايت کې لازم خدمتونه ترسره شي.

[/restrict]