زرنج (پژواک، ۲۸ لېندۍ ۱۴۰۲): نیمروز کې ځايي مسوولین وايي، د دغه ولایت په دلارام ولسوالۍ کې د ترافیکي پېښې له امله درې کسان مړه او ۴۳ نور ټپیان شوي دي.
د نیمروز د ترافیکي مدیریت د پېښو امر سردارمحمد رحیمي پژوک خبري اژانس ته وویل: «تېره شپه نږدې ۱۱ بجې د دلارام – زرنج پر لاره په منار سیمه کې پنځو موټرونو چې ۴۰۴ مسافر وړونکی موټر، ۵۸۰ مسافر وړونکی موټر، فیلډر موټر او د منځنۍ اسیا موسسې دوه موټرونه په کې شامل وو، هممهاله سره ټکر وکړ.»
سرچینه وايي، د یادې پېښې له امله درې کسان مړه او ۴۳ ټپیان شوي دي.
نوموړی وايي: «ترڅو چې د دلارام ولسوالۍ ترافیک خبرېدل، د پېښې ټپیان د خلکو له لورې بېلابېلو ولایتونو ته ولېږدول شول خو د روغتیا وضعیت په اړه یې دقیق معلومات نه لرو.»
د هغه په خبره، د پېښې له امله مالي زیانونه هم اوښتي؛ ځکه کومو موټرونو چې سره ټکر کړی په بشپړ یا قسمي توګه تخریب شوي دي.
Views: 32
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن