کابل (پژواک، ۴ مرغومی ۱۴۰۲): رسنیو راپور ورکړی چې د نایجریا پلازمېنې شمال ته په «پلاتو» ایالت کې د مالدارانو او بزګرو ترمنځ نښته کې ۱۶ کسان وژل شوي دي.
رویټرز خبري اژانس نن (دوشنبه) په یوه راپور کې لیکلي چې په دې نښته کې ۱۶ کسانو وژل شوي دي.
د راپور له مخې، په دې سیمه کې له څو کلونو راهیسې د مسلمانو مالدارانو او مسیحي بزګرانو ترمنځ سختې نښتې رامنځته کېږي.
پلاتو د نایجریا هغه ایالت دی چې د مذهبي اختلافاتو ترڅنګ چاپېریالي بدلونونه او د کرنې پرختیا د دې سیمې د اوسېدونکو ترمنځ د نښتو اصلي لاملونه بلل کېږي.
دا په داسې حال کې ده چې په تېره مې میاشت کې هم په دغه ایالت کې د مالدارانو او بزګرو ترمنځ نښه کې ۱۰۰ کسان وژل شوي وو.
Views: 23
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن