[restrict paid=”true”]
کابل (پژواک، ۶ مرغومی ۱۴۰۲): امنیتي مسوولین وایي چې د کابل طبي پوهنتون یو استاد ډاکټر عبدالغفار همدرد د کابل ښار کارته نو سیمه کې په ډزو وژل شوی دی.
د کابل امنیې قوماندانۍ ویاند خالد ځدراڼ پژواک خبري اژانس ته وویل چې دغه پېښه نن مازدیګر مهال د کابل ښار اتمې امنیتي حوزې اړوند کارته نو سیمه کې د هغه د کتنځي مخې ته شوې ده.
ځدراڼ زیاته کړه چې پولیس پر وخت سیمې ته رسېدلي او هغه کس چې د همدرد کورنۍ په دې پېښه کې د لاس لرلو ادعا پرې لري هم نیول شوی دی.
د نوموړي په وینا چې نیول شوی کس د پلټنو په موخه حوزې ته وړل شوی دی.
د کابل طبي پوهنتون یوه استاد پوهاند ډاکټر عبدالحفیظ حمیدزي پر خپل فېسبوک د ډاکټر همدرد پر وژل کېدو خواشیني ښودلې او زیاته کړې یې ده چې نوموړی د طبي علومو پوهنتون برجسته استاد او د جلدي ناروغیو پياوړی متخصص و.
هغه زیاته کړې چې همدرد د طبي زده کړو د انکشاف رياست رییس هم او دغه راز یوه موده د کابل میوند کادري روغتون مشر هم پاتې شوی دی.
[/restrict]
Views: 2034
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن