پلخمري (پژواک، ۱۲ مرغومی ۱۴۰۲): بغلان کې د عامې روغتیا ریاست له لوري د روغتیايي قوانینو تطبیق په موخه د ډاکټرانو پنځه جواز نه لرونکي کتنځایونه او ۱۴ درملتونونه تړل شوي دي.
د بغلان د عامې روغتیا ریاست ویاند عبدالله ملنګ نن (د مرغومي ۱۲مه) پژواک خبري اژانس ته وویل، د عامې روغتیا ریاست د روغتیایي قوانینو تطبیق مدیریت له تېرې شنبې راهیسې پلخمري ښار کې د بېاسنادو کتنځایونو او درملتونونو د فعالیت مخنیوي کمپاین پیل کړی دی.
د هغه په خبره، په تړل شوو کې درې د غاښونو او دوه د نسایي ولادي کتنځایونه شامل دي چې د فعالیت جواز یې نه درلود او دغه راز ۱۴ هغه درملتونونه هم تړل شوي چې د جواز نه درلودلو ترڅنګ یې بېکیفیته او تاریختېر درمل پلورل.
د یادونې ده، د روغتیایي قوانینو د تطبیق په موخه دغه کمپیاین د یوه ګډ کمېسیون له لوري پیل شوی چې د عامې روغتیا او استخباراتو ریاستونه، امنیه قومانداني او د ولایت استازي په کې برخه لري.
Views: 157
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن