جلال اباد (پژواک، ۱۳ مرغومی ۱۴۰۲): د ننګرهار ولايت مقام وايي، امنيتي مسوولينو هغه کس نيولی چې څه موده مخکې یې خپله یو کلنه لور له کوره تښتولې او بیا یې په ۱۵ زره افغانیو پلورلې وه.
د ننګرهار ولايت مقام مطبوعاتي دفتر په خبرپاڼه کې راغلي چې دغه کس د یاد ولایت د درهنور ولسوالۍ امنیتي کسانو له لورې نیول شوی دی.
سرچېنې لیکلي: «دغه کس څه موده وړاندې، خپله يو کلنه لور له کوره تښتولې وه، له لومړنيو څېړنو وروسته معلومه شوه، چې خپله لور يې په کابل کې په پنځلس زره افغانۍ پلورلې ده.»
خبرپاڼه کې راغلي چې د يادې ماشومې پیدا کولو او کورنۍ ته يې د سپارلو په موخه به د قانون له مخې اجرات ترسره شي.
Views: 25
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن