د هېواد په ۱۳ ولایتونو کې د واورې او باران اورېدو اټکل شوی

کابل (پژواک، ۱۷مرغومی ۱۴۰۲): د ترانسپورټ او هوايي چلند وزارت د هېواد په ۱۳ ولایتونو کې د واورې او باران اورېدو اټکل کړی دی.

دغه وزارت نن (د مرغومي ۱۷مه) پر خپله اېکس‌پاڼه لیکلي چې نن او سبا په هرات، فراه، بادغیس، سرپل، دایکنډي، غور، هلمند، کندهار، اروزګان، زابل، غزني او پکتیکا ولایتونو کې د باران او واورې اورېدو احتمال شته.

سرچینې لیکلي چې بېلابېلو ولایتونو کې د باران او واورې کچه له ۱۰ تر ۲۵ ملي‌مترو پورې اټکل شوې ده.‎