کابل (پژواک، ۲۰ مرغومی ۱۴۰۲): د راپورونو له مخې، د خیبر پښتونخوا په کوهاټ سیمه کې وسلهوالو پر یوې امنیتي پوستې ډلهییز برید کړی چې په کې درې پولیس او یو عام وګړی وژل شوي دي.
ډیوه راډیو نن پر خپله فېسبوکپاڼه لیکلي چې تېره شپه تر لسو ډېرو وسلهوالو د کوهاټ د انډس پر لویه لار د لاچۍ پر ټول پلازه او امنیتي پوستې باندې برید کړی چې په کې درې پولیس او یو عام وګړی وژل شوي دي.
سرچینې لیکلي چې د دغه برید مسوولیت تر اوسه چا پر غاړه نه دی اخیستی او امنیتي ځواکونو په سیمه کې عملیات پیل کړي دي.
دا په داسې حال کې ده چې دوه ورځې مخکې هم د خیبر پښتونخوا په باجوړ سیمه کې د پولیسو پر موټر چاودنه شوې وه چې په کې پنځه پولیس وژل شوي او لس نور ټپیان شوي وو.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن