ترینکوټ (پژواک، ۲۰ مرغومی ۱۴۰۲): اروزګان کې د دوو ولایتونو د شپږو لوبډلو ترمنځ د والیبال سیالۍ د اروزګان «مرکزي» لوبډلې په اتلولۍ پای ته ورسېدې.
د اروزګان د بدني روزنې او ورزش امر حافظ نصیر پژواک خبري اژانس ته وویل چې دغه سیالۍ د والیبال فدراسیون له لوري څلور ورځې مخکې په خاص اروزګان ولسوالۍ کې د اروزګان او زابل د شپږو لوبډلو ترمنځ پیل شوې وې چې پرون (د مرغومي ۱۹مه) پای ته ورسېدې.
هغه زیاته کړه چې په دې سیالیو کې له دواړو ولایتونو درې – درې لوبډلو برخه اخیستې وه.
نوموړي دغه راز وویل چې یادې سیالۍ ورزش ته د ودې ورکولو، د لوبغاړو ترمنځ د ښو اړیکو جوړولو او تجربو شریکولو په موخه جوړې شوې وې.
ورته مهال، د والبیال لوبې لوبغاړي هم خوښ دي چې سیالۍ یې په ښه ډول پای ته ورسېدې.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن