کابل کې څلورو کسانو ته تعزيري سزا ورکړل شوه

کابل (پژواک، ۲۱ مرغومی ۱۴۰۲): ستره محکمه وايي، د کابل ښار د ابتدائيه محکمې څلورم زون د جزا دېوان له خوا څلورو کسانو ته د نامشروع اړيکو په جرم ۳۵ـ ۳۵ دُرې تعزيري سزا ورکړل شوه.

سترې محکمې نن پر خپله اېکس‌پاڼه لیکلي چې ياد کسان يو کال مخکې د کابل ښار د ابتدائيه محکمې له لوري پر يوه کال تنفيذي بند او ۳۵ـ ۳۵ درو محکوم شوي وو.

د سرچینې د معلوماتو له مخې، ياده پرېکړه د سترې محکمې د مقام له تایید وروسته په عام محضر کې پر متهمینو تطبیق شوه.