کابل (پژواک، ۲۷ مرغومی ۱۴۰۲): د افغانستان کرکټ بورډ وایي چې د افغانستان کرکټ ملي لوبډله د درېیو نړۍوالو شلاوریزو سیالیو په لړ کې نن له هند سره خپله درېیمه او وروستۍ لوبه کوي.
کرکټ بورډ پر خپله فېسبوکپاڼه لیکلي چې د افغانستان کرکټ ملي لوبډله نن د هند پر وړاندې درېیمه او وروستۍ شلاوریزه نړۍواله لوبه د دغه هېواد بنګلور ښار په چیناسوامي لوبغالي کې د افغانستان پر وخت د ماښام شپږ بجې پیلېږي.
دغه راز په دې سیالیو کې هند دوه لوبې ګټلې او دوه پر صفر له افغانستانه مخکې دی.
د یادونې ده، افغانستان به له یادو سیالیو وروسته له سریلانکا او ایرلېنډ سره هم ټیسټ، یو ورځنۍ او شلاوریزې لوبې ترسره کړي.
Views: 66
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن