هرات ښار کې د ۳۳ میلیونه افغانیو په لګښت د یوې پروژې چارې پیل شوې

[restrict paid="true"]

کابل (پژواک، ۳۰ مرغومی ۱۴۰۲): د هرات ښاروالۍ مسوولین وايي چې د دغه ولایت د مرکز په ۲مه ناحیه کې د ۳۳ میلیونو افغانیو په لګښت د یوې پراختیايي پروژې چارې پيل شوې دي.

د یادې پروژې د چارو پیل پرمهال د هرات ښاروال ملا نعمت‌الله حسن حاجي وویل چې د لوی جامې جومات سوېلي واټ په اړوند سیمه کې د ښاروالۍ پر ۶، ۷ او ۸ شمېرو ملکیتونو کې د نږدې ۳۳ میلیونه افغانیو په لګښت په تاریخي ډول د هټیو جوړولو چارې پیل شوې.

د حسن حاجي په وینا، یاده پروژه کې د سیمې یو شمېر اوسېدونکو ته د ۶ میاشتو لپاره د کار زمینه هم برابره شوې ده.

د یادونې ده، څه موده وړاندې هم د ۷۳ میلیونه افغانیو په لګښت د ښاروالۍ له اول تر شپږم ملکیتونو کې د هټیو جوړولو پروژې چارې پیل شوې وې.

[/restrict]