ګردېز (پژواک، د سلواغې لومړۍ نېټه ۱۴۰۲): د پکتيا امنيه قومانداني وايي، د دغه ولایت په احمدخيلو ولسوالۍ کې یې شاوخوا ۲۰۰ کيلوګرامه چرس کشف او ترلاسه کړي او په تړاو یې دوه کسان هم نیول شوي دي.
د پکتيا امنيه قوماندانۍ وياند منيب ځدراڼ پژواک خبري اژانس ته وويل چې تېره شپه ناوخته د احمدخيلو ولسوالي امنيتي ځواکونو په يوه ټونس موټر کې ۱۹۲ کيلو ګرامه چرس کشف او ترلاسه کړي دي.
هغه وايي چې دغه توکي له ځاځي اريوب ولسوالۍ څخه هلمند ولايت ته لېږدول کېدل چې د يوه کشفي راپور پر اساس کشف او ترلاسه شول.
د ځدراڼ په خبره، د یادو توکو د انتقال په تور دوه کسان هم نیول شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP