کابل (پژواک، ۱۰ سلواغه ۱۴۰۲): په قطر کې د اسلامي امارت سیاسي دفتر مشر ویلي چې په دوحه کې یې د افغانستان لپاره د بریتانیا له شارژدافیر سره پر دوه اړخیزو اړیکو خبرې کړې دي.
په قطر کې د اسلامي امارت سیاسي دفتر مشر سهیل شاهین تېره شپه پر خپله اېکسپاڼه لیکلي چې په دوحه کې یې د افغانستان لپاره د بریتانیا له شارژدافیر رابرټ ډیکسن سره پر دوه اړخیزو اړیکو خبرې کړې دي.
شاهین زیاته کړې چې له نوموړي سره یې د فبرورۍ په ۱۸مه او ۱۹ د افغانستان په اړه جوړېدونکې غونډې په اړه هم خبرې وکړې.
ټاکل شوې د راتلونکې فبرورۍ په ۱۸ او ۱۹مه د قطر په پلازمېنه دوحه کې د ملګرو ملتونو په کوربهتوب د افغانستان په اړه دویمه مشورتي غونډه جوړه شي.
Views: 56
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن