پارون (پژواک، ۱۱ سلواغه ۱۴۰۲): نورستان کې مسوولین وايي چې په وایګل ولسوالۍ کې د ۱۵۴ زره امریکايي ډالره په لګښت د یوه سړک جوړولو چارې پيل شوې.
د نورستان د کليو پراختيا رييس مولوي احسانالله احمد وايي، دغه سړک د وايګل ولسوالۍ له مرکزه کټار کلي ته غځېدلی، څلور کیلومټره اوږدوالی لري چې په کانکريټي ډول به جوړ شي.
د مولوي احمد په وينا، دغه سړک د ملګرو ملتونو پراختيايي پروګرام (UNDP) په مالي ملاتړ د ۱۵۴زره امريکايي ډالر په لګښت د شپږو مياشتو په موده کې جوړېږي.
هغه زياتوي چې د دغه سړک په اوږدو کې د استنادي دېوالونو، پلونو جوړول، ځينو برخو کې د سړک پراخوالی او د ځينې نورې چارې هم شاملې دي.
نورستان د افغانستان په ختيځ کې يو غرنی ولايت دی چې اوسېدونکي یې ډېری وخت د لومړنیو خدمتونو له نشتوالي شکایت کوي.
GET IN TOUCH
NEWSLETTER
SUGGEST A STORY
PAJHWOK MOBILE APP