کابل (پژواک، ۱۵ سلواغه ۱۴۰۲): د افغاني سره میاشتې ټولنه وایي چې په تېرو ۱۸ میاشتو کې یې له ۲۸۰۰ ډېر د زړه سوري پر ناروغۍ اخته ماشومان د درملنې په موخه د کابل ښار روغتونونو ته ورپېژندلي دي.
دې ټولنې نن یکشنبه پر خپله اېکسپاڼه لیکلي چې نن د سوري زړه پە رنځ اخته ۷۸ ماشومان یې کابل ښار کې درېیو روغتونونو ته د درملنې په موخه ورپېژندلي دي.
سرچینې زیاته کړې چې په تېر یونیم کال کې د سوري زړه پر رنځ اخته ۲۸۳۱ ماشومان یې د کابل ښار روغتونونو ته ورپېژندلي او د هغوی عملیات په وړیا توګه ترسره شوي دي.
د سرچینې د معلوماتو له مخې، د دغو ماشومانو د درملنې مصارف د یادې ټولنې له خوا ورکول کېږي.
GET IN TOUCH
NEWSLETTER
SUGGEST A STORY
PAJHWOK MOBILE APP