غزني ښار (پژواک، ۱۹ سلواغه ۱۴۰۲): د غزني امنیتي مسوولین وايي چې د دغه ولایت په اجرستان ولسوالۍ د واورې ورېدو او سړې هوا له امله یو سوداګر مړ شوی، خو دوه نور ژغورل شوي دي.
د غزني د امنیې قوماندانۍ ویاند ابو خالد سرحدي پژواک خبري اژانس ته وویل چې د څاریو درېیو سوداګرو تېره ورځ د اجرستان ولسوالۍ په مربوطاتو کې د ډېرې واورې ورېدو له امله لار ورکه کړې وه.
هغه وايي چې د یادو کسانو له ډلې یوه يې د ډېرې یخنۍ له امله ساه ورکړې، خو دوه نور کسان یې د حکومتي مسوولینو له لوري ژغورل شوي دي.
ده وویل چې ژغورل شوي کسان دا مهال په روغتون کې تر درملنې لاندې دي.
د یادونې ده، په اجرستان، ناور، مالستان او جاغوري ولسوالیو کې د غزني ولایت تر نورو سیمو ډېره واوره کېږي او دا مهال په کې نږدې ۷۰ سانتي واوره شوې ده.
Views: 53
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن