مولوي عبدالکبیر: تورخم کې به مسافرو او ناروغانو ته اړینې اسانتیاوې برابرې شي

جلال‌اباد (پژواک ۲۳ سلواغه ۱۴۰۲): د ریاست الوزرا سیاسي مرستیال په تورخم کې د راستنېدنکو کډوالو کمپ څخه د لېدنې پر مهالاړونده مسؤولینو ته د ستونزو د حل ډاډ ورکړی او ویلي یې دي چې مسافرو او ناروغانو ته به لازمې اسانتیاوې برابرې شي.

د ریاست الوزرا سیاسي معاونیت په خبرپاڼه کې راغلي چې د ریاست الوزرا سیاسي مرستیال مولوي عبدالکبیر او ورسره پلاوي یې ننننګرهار ولایت ته د خپل سفر په لړ کې په تورخم کې د راستنېدونکو افغان کډوالو لپاره له جوړ شوي عمري کمپ،  د تورخم له کمیساري اوښارګوټي څخه لیدنه وکړه.

خبرپاڼه کې راغلي مولوي عبدالکبیر د دغې لېدنې پرمهال ډاډ  ورکړی چې له راستنېدونکو افغانانو سره به د اسلامي امارت او هېوادوالومرستې او ملاتړ دوام ولري.

هغه ویلي: «سره له دې چې په اجباري ډول د افغانانو اخراجول د ټولو نړیوالو اصولو خلاف دي خو هېواد ته د افغانانو په راتګ خوشحالهیو او اسلامي امارت کوښښ کوي چې د ټولو افغانانو لپاره هېواد ته په داوطلبانه ډول د راګرځېدو زمینه برابره کړي.»

هغه له ټولو مسؤولو ادارو، شتمنو افغانانو، شرکتونو او سوداګرو څخه غوښتي چې د راستنېدونکیو افغانانو لپاره د کار په موندنه کېهمکاري وکړي.

سرچېنې لیکلي چې د ریاست الوزراء سیاسي مرستیال د تورخم له کمیساري او ښارګوټي څخه د لیدنې پر مهال اړونده مسؤولینو ته دستونزو د حل ډاډ ورکړ او ویې ویل، چې په تورخم کې شته ستونزې به جدي تعقیب او کوښښ به وشي چې مسافرو او ناروغانو ته لازمېاسانتیاوې برابرې شي.