ننګرهار کې له څه باندې ۲۴۰۰ کورنیو سره مرسته وشوه

جلال‌اباد (پژواک، ۶ وری ۱۴۰۳): د ننګرهار د کلیو بیارغونې او پراختیا ریاست وایي، د دغه ولایت په دوربابا او هسکه مېنه ولسوالیو کې یې له ۲۴۰۹ کورنیو سره د خوراکي توکو مرسته کړې ده.

د یاد ولایت د کلیو بیارغونې او پراختیا رییس مولوي قسمت‌الله مبارز پژواک خبري اژانس ته وویل چې یاده مرسته د ملګرو ملتونو د خوړو نړۍوال پروګرام په مالي ملاتړ وېشل شوې ده.

د هغه د معلوماتو له مخې، په دغو مرستو کې هرې کورنۍ ته، اوړه، غوړي، دال، مالګه او د ماشومانو تقویتي خواړه ورکړل شوي دي.