<p style="text-align: justify;">کابل (پژواک، ۸ وری ۱۴۰۳): د خوړو نړۍوال پروګرام وايي چې د جرمني د اقتصادي همکارۍ او پراختیا وزارت له افغانستان سره د ۱۵ میلیون یورو مرسته کوي.</p>
<p style="text-align: justify;">د خوړو نړۍوال پروګرام تېره ورځ په یوه <strong><a href="https://www.wfp.org/news/germany-renews-its-investments-afghan-communities-and-supports-keeping-children-school">خبرپاڼه</a> </strong>کې د دې مرستې د هرکلي ترڅنګ ویلي چې یاده مرسته ۱۶،۴ میلیون امریکایي ډالر کېږي.</p>
<p style="text-align: justify;">خبرپاڼه کاږي، دغه مرسته به د ابتدایي ښوونځيو ۱۹۰ زره زدهکوونکو ته د تغذیې برخه کې ولګول شي.</p>
<p style="text-align: justify;">د سرچینې په حواله، له افغانستان سره د جرمني مرستې له ۲۰۲۳ کال راهیسې ۷۸ میلیون یورو ته رسېدلې دي.</p>
<p style="text-align: justify;">دا په داسې حال ده چې د خوړو نړۍوال پروګرام وړمه ورځ ویلي وو چې روسیه په افغانستان کې د بشري مرستو په موخه د یو میلیون امریکایي ډالرو مرسته کوي.</p>
<p style="text-align: justify;">د یادونې ده، د ملګرو ملتونو د بشري مرستو د همغږۍ دفتر (اوچا) تېر لمریز کال د سلواغې میاشتې په ۱۶مه هم ویلي وو چې جرمني د افغانستان د بشري مرستو له صندوق سره پنځه میلیون یورو مرسته کوي.</p>
