هرات (پژواک، ۸ وری ۱۴۰۳): هرات کې امنيتي سرچينې وايي چې د دغه ولايت اسلامکلا بندر له لارې له هېواده د څه باندې دوه سوه زره امريکايي ډالرو قاچاق په تور دوه کسان نيول شوي دي.
د هېواد لوېديځ کې د ۲۰۷ الفارق قولاردو د يوې خبرپاڼې په خپرولو ويلي چې نن سهار د دې قولاردو د پنځمې سرحدي لوا کشفي او استخباراتي منسوبينو په اسلامکلا بندر کې ايران ته د ډالرو د قاچاق په تړاو دوه کسان نيولي دي.
سرچينې زياته کړې: «له دغو قاچاق وړونکو دوه سوه او لس (٢١٠) زره امريکايي ډالر چې غوښتل يې ايران ته یې ولېږدوي، ترلاسه شوي دي.»
په همدې حال کې، په خبرپاڼه کې ویل شوي چې نیول شوي کسان د اړوندو ارګانونو تر پلټنو لاندې دي.
GET IN TOUCH
NEWSLETTER
SUGGEST A STORY
PAJHWOK MOBILE APP