کابل (پژواک، ۱۱ وری ۱۴۰۳): د ازادو سیالیو افغان لوبغاړی بازمحمد مبارز سبا له خپل فرانسوي سیال سره سیالي ترسره کوي.
بازمحمد مبارز پر خپله فېسبوکپاڼه لیکلي چې سبا د مارچ په ۳۱مه نېټه له خپل فرانسوي سیال جوهان ون وهل سره سیالي ترسره کوي.
نوموړي له ټولو هغو کسانو چې له ده ملاتړ کوي او تشویقوي یې، مننه کړې.
د معلوماتو له مخې، بازمحمد مبارز دغه سیالي له نږدې درې کلن ځنډ وروسته د ټایلنډ هېواد په «M2MMA » سازمان کې ترسره کوي.
د راپورنو پراساس، بازمحمد مبارز له دې مخکې ۱۷ سیالۍ ترسره کړي چې ۱۱ یې کټلې او ۶ یې بایللې دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن