هرات (پژواک، ۱۳ وری ۱۴۰۳): هرات کې سیمهییزې سرچینې وايي چې د دغه ولایت په کشک رباط سنګي ولسوالۍ کې د هاوان یوې سرګلولې چاودنې یو ماشوم وژلی او پنځه نور یې ټپیان کړي دي.
د هرات امنیې قوماندانۍ ویاند عبدالله انصاف د دې پېښې د تایید ترڅنګ وویل، دغه پېښه پرون ماښام د کشک رباط سنګي ولسوالۍ اړوند په تلخان کلي کې شوې ده.
هغه زیاته کړه چې دغه سرګلوله له تېرو جګړو پاتې وه چې د چاودنې له امله یې یو ماشوم ژوند له لاسه ورکړی او پنځه نور ټپیان شوي دي.
د هرات امنیې قوماندانۍ څرګنده کړې چې د پېښې د ټپیانو روغتیايي وضعیت د ډاډ وړ دی او تر درملنې لاندې دی.
GET IN TOUCH
NEWSLETTER
SUGGEST A STORY
PAJHWOK MOBILE APP