پلعلم (پژواک، ۲۶ وري ۱۴۰۳): د لوګر سیمهییز مسوولین وايي د دغه ولایت په خروار ولسوالۍ کې د یوې خونې چت لوېدو له امله یوه ښځه مړه شوې او یو ماشوم ټپی شوی دی.
د لوګر د امنیې قوماندانۍ ویاند مولوي احمدالله انس پژواک ته وویل چې نن سهار د دغه ولایت د خروار ولسوالۍ په صدوخېل کلي کې د ورښتونو له امله د یوې خونې چت پرېوتی دی.
هغه وايي چې په دې پېښه کې یوه ښځه مړه شوې او یو ماشوم سخت ټپی شوی دی چې ماشوم د درملنې په موخه ولایتي روغتون ته انتقال شوی دی.
هغه همدارنګه زیاته کړه، اوس هم په مرکز پل علم او ولسوالیو کې ورښتونه دوام لري نو خلک باید د استوګنې ځایونو او د تګ راتګ لارو ته جدي پاملرنه وکړي څو له ورته پېښو سره مخ نه شي.
د یادونې ده، په هېواد کې د وروستیو ورښتونو له امله په بېلابېلو ولایتونو کې خلکو ته مالي او ځاني زیانونه اوښتي دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن