پلعلم (پژواک، ۲۸ وری ۱۴۰۳): د لوګر امنیه قومانداني وایي چې د کابل- پلعلم پر لویه لار د یوې ترافیکي پېښې له امله یو کس مړ شوی او اووه نور ټپیان دي.
د لوګر د امنیې قوماندانۍ ویاند احمدالله انس پژواک ته وویل چې نن له غرمې مخکې د کابل- پلعلم پر لویه لار د پل کندهاریو په سیمه کې یو کرولا موټر چپه شوی دی.
هغه وايي چې په دې پېښه کې یو ماشوم مړ شوی او د شپږو ښځو په ګډون اووه کسان ټپيان شوي دي.
ده وویل چې د یو شمېر ټپیانو روغتیايي حالت د اندېښنې وړ و او روغتون ته انتقال شوي دي.
انس وايي چې دغه پېښه د موټر چلوونکي بېاحتیاطۍ له امله رامنځته شوې ده.
د یادونې ده چې د اختر په درېیو ورځو کې په لوګر کې د ترافیکي پېښو له امله دوه کسان مړه او اته نور ټپیان شوي وو.
Views: 202
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن