پلعلم (پژواک، ۴ غويی ۱۴۰۳): د لوګر پوهنې ریاست وايي چې د ملګرو ملتونو ماشومانو ملاتړ صندوق(UNICEF) له لوري د دغه ولایت پر زرګونو زدهکوونکو درسي توکي ووېشل شول.
د لوګر پوهنې ریاست ویاند شاهپور عرب پژواک ته وویل، دا درسي توکي د ملګرو ملتونو ماشومانو ملاتړ صندوق(UNICEF) له لوري په مرکز پلعلم او شپږو ولسوالیو کې د ۳۶۲ سیمهییزو ټولګيو په شاوخوا ۷۵۰۰ زدهکوونکو ووېشل شول.
عرب زیاته کړه: «په وېشل شوو موادو کې شپږ قلمه درسي توکي شامل دي چې هر زدهکوونکي ته د کتابونو یو بیک، ۱۰ کتابچې، ۱۰ قلمونه، ۵ پنسلونه، یو قلم تراش او یو پنسل پاک ورکړل شوي دي.»
نوموړي همدارنګه زیاته کړه، د روان کال په پیل کې هم د ملګرو ملتونو د ماشومانو ملاتړ صندوق له لوري پر زرګونو زدهکوونکو د لیک لوست کتابونه وېشل شوي وو.
بل لور ته د مرکز پلعلم د یوه سیمهییز ټولګي ښوونکي هجرتالله پژواک ته وویل، مرسته شوي درسي توکي کولای شي چې په سیمهییزو ټولګیو کې د زدهکوونکو درسي اړتیاوې پوره کړي او زدهکوونکي وهڅوي چې خپلو زدهکړو ته دوام ورکړي.
هغه همدارنګه په پوهنې وزارت او مرستندویه بنسټونه غږ وکړ چې په مرکز پلعلم او ولسوالیو په پاتې ښوونځیو کې هم درسي کتابونه او درسي مواد ووېشي.
باید وویل شي چې تېره میاشت هم د پوهنې وزارت له لوري د ۵۴ دیني مدرسو پر زدهکوونکو ۲۲ زره او ۵ سوه جلده بېلابېل کتابونه وېشل شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP