اروپایي ټولنې له افغانستان سره ۱۵ میلیون یورو مرسته وکړه

کابل (پژواک، ۸ غویی ۱۴۰۳): د ملګرو ملتونو له ماشومانو د ملاتړ صندوق (یونیسف) ویلي چې اروپایي ټولنې په افغانستان کې له خوارځواکۍ سره د مبارزې او د اوبو خدمتونو ښه کېدو په موخه ۱۵ میلیون یورو ځانګړي کړي دي.

دغه بنسټ نن په یوه خبرپاڼه کې لیکلي چې په دې مرستې سره به په ۲۲ ولایتونو کې ۲۷ میاشتنی پروګرام ترسره شي.

یونیسف ویلي، ټاکل شوې د دغه پروګرام له لارې ۸۰ زره کسانو ته د څښلو پاکو اوبو او ۲۰۶ زره کسانو ته روغتیایي خدمتونو او شپږ زره نجونو ته د حرفوي زده‌کړو زمینه برابره شي.

دا مرسته په داسې حال کې کېږي چې تېره ورځ هم اروپایي ټولنې له ایران او پاکستانه راایستل شوو کډوالو لپاره ۱۷ میلیون یورو مرسته وکړه.