ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

بلخ کې سلګونه جریب کوکنار اړول شوي

بلخ کې سلګونه جریب کوکنار اړول شوي

author avatar
30 Apr 2024 - 13:49
بلخ کې سلګونه جریب کوکنار اړول شوي
author avatar
30 Apr 2024 - 13:49

مزارشریف (پژواک، ۱۱ غویی ۱۴۰۳): د بلخ امنیه قومانداني وايي، تېره یوه اونۍ د کوکنارو اړولو کمپاين پر مهال د دغه ولایت په بېلابېلو ولسوالیو کې څه باندې اته سوه جریبه د کوکنارو کښت له منځه وړل شوی دی.

د بلخ د امنیې قوماندانۍ مطبوعاتي دفتر په استول شوو بېلابېلو خبرپاڼو کې راغلي چې د دې قوماندانۍ د نشه‌يي توکو سره د مبارزې مدیریت منسوبینو تېره یوه اونۍ د کمپاین پر مهال په چمتال، البرز، کشندې، چهاربولک او شولګرې ولسوالیو کې ۸۳۸ جریبه ځمکه د کوکنار له کښته پاکه کړې ده.

خبرپاڼه زیاتوي چې دغه کمپاین په دوامداره توګه جریان لري او ټولې هغه سیمې چې کوکنار په کې کرل شوي د دغه بوټي له کښته به پاکې شي.

خبرپاڼه وایي چې امنیتي مسوولینو د کلیو له سپین‌ږیرو او مشرانو غوښتي څو کروندګرو ته سپارښتنه وکړي څو د دغه بوټي له کرلو ډډه وکړي.

خبرپاڼه کې راغلي، مسوولینو دغه راز خبرداری ورکړی، هر هغه څوک چې کوکنار وکري عدلي او قضایي ارګانونو ته سپارل کېږي او قانوني چلند به ورسره کېږي.

د یادونې ده چې د بلخ ترڅنګ په ټولو ولایتونو کې د کوکنارو د اړولو کمپاین روان دی.

Views: 7

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.