لښکرګاه (پژواک، ۲۴ غویی ۱۴۰۳):هلمند کې سیمهییزمسوولین وایي چې د لښکرګاه ښار مرکزي جمنازیوم کې د ۱۷ لوبډلو ترمنځ د والیبال پیل شوې سیالۍ پای ته ورسېدې.
د هلمند د اطلاعاتو او فرهنګ ریاست مرستیال مولوي شېرمحمد وحدت پژواک خبري اژانس ته وویل چې یادې سیالۍ درې ورځې مخکې د والیبال لوبډلو ترمنځ په ګروپي شکل پیل شوې وې.
د هغه په خبره، د دې سیالیو پایلوبه د عظیمي او حبیبي لوبډلو ترمنځ ترسره شوه چې عظیمي لوبډلې ۲ پر ۱ حریف لوبډلې ته ماته ورکړه.
د دې سیالیو په وروستیو مراسمو کې د والیبال فدراسیون استازي حکمتالله عمري د یادو سیالیو موخه د ځوانانو ترمنځ اتحاد او اتفاق یاد کړ.
دا سیالۍ د هلمند ورزش امریت له خوا د والیبال فدراسیون په همکارۍ ترسره شوې وې چي مقام وړونکو لوبډلو او غوره لوبغاړو ته تحفې هم ورکړل شوې.
Views: 10
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن