کابل (پژواک، ۷ غبرګولی ۱۴۰۳): د مخابراتو او لوړو زدهکړو وزارتونو ترمنځ په تحصیلي او نورو برخو کې د اسانتیاوو رامنځته کېدو په موخه د همکارۍ څلور هوکړهلیکونه لاسلیک شول.
د مخابراتو او معلوماتي ټکنالوجۍ وزارت ویاند عنایتالله الکوزي پر خپله اېکسپاڼه لیکلي چې دغه هوکړهلیکونه پرون د یاد وزارت سرپرست مولوي نجیبالله حیات حقاني او د لوړو زدهکړو وزارت مالي او اداري مرستیال مولوي حافظ محمد حامد حسیب ترمنځ لاسلیک شول.
د الکوزي د معلوماتو له مخې، د دغو هوکړهلیکونو له مخې به د مخابراتو او معلوماتي ټکنالوجۍ وزارت د دولتي او خصوصي پوهنتونونو محصلینو، د استادانو د ترفیع او ارتقا او تالیف او ترجمې برخو کې عصري سیستمونه جوړوي.
سرچینه لیکلي، د مخابراتو وزارت سرپرست وویل چې د اوسني عصر د اړتیا له مخې تعلیمي بنسټونه باید پر ټکنالوجۍ سمبال وي.
حقاني ویلي، د مخابراتو وزارت هڅه کوي په هېواد کې د ډیجیټلي حکومتولۍ لپاره اسانتیاوې برابرې او په همدې موخه دغه وزارت د هېواد په کچه د ټکنالوجۍ مخکښ کادرونه پر دندو ګومارلي چې اوسمهال ډېرو ادارو ته د سیستمونو په جوړولو بوخت دي.
سرچینه زیاتوي، د لوړو زدهکړو وزارت مرستیال هم د سیستمونو جوړولو او د ډیجیټلي حکومتولۍ برخو کې د مخابراتو وزارت له کړنو خوښي څرګنده کړه چې توانېدلی د ډېرو مهمو برخو لپاره سیستمونه جوړ کړي او همدا راز د ډیجیټلي حکومتولۍ لپاره یې موثر ګامونه اخیستي دي.
د یاد وزارت مرستیال ویلي، د مخابراتو له وزارت سره د یادو هوکړهلیکونو له لاسلیکولو وروسته به د هېواد په کچه دولتي او خصوصي پوهنتونونو کې د تالیف، ترجمې او د ترفیع او ارتقاء برخو کې یو شمېر اسانتیاوې برابرې شي.
د مخابراتو وزارت ویاند د معلوماتو له مخې، د یاد وزارت د سیستم جوړونې لوی ریاست د هېواد په کچه ټولو دولتي بسټونو ته د سیستمونو جوړولو مسوولیت لري چې تر دې دمه یې د هېواد ګڼو دولتي برخو ته ۲۳ بېلابېل سیستمونه جوړ کړي او دغه راز د ټولو دولتي ادارو د سیستمونو ارزونه یې هم کړې، څو معلومه شي چې په هېواد کې په کوم شمېر او کومو سیستمونو جوړولو ته اړتیا ده.
Views: 20
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن